Hitzak
AHT
Joseba Tapia / Koldo Izagirre
Abiadura hutseko trenean
nora nora ziztuan
Bruselara ziztuan
abiadura hutseko trenean
Bruselan sartzerik ez
parlamentua itxirik
izar denak lotan
kartel denak flandrieraz
gure begia kolpatzen
Abiadura hutseko trenean
nora nora ziztuan
Parisera ziztuan
abiadura hutseko trenean
Parisen airerik ez
paristarrak barrikadan
dendariak kexu
kutsadura lodi, lodi
maitasuna oztopatzen
Abiadura hutseko trenean
nora nora ziztuan
Madrilera ziztuan
abiadura hutseko trenean
Madrilen taxirik ez
toreroak adarretan
bizia garesti
plaza onenak hartuak
zaila hotela topatzen
Abiadura hutseko trenean
nora nora ziztuan
Gironara ziztuan
abiadura hutseko trenean
Gironan bakerik ez
kalean miloika katu
kat kat kat kat kat kat kat
gure oporraldi goxoa
lotsarik gabe hondatzen
Abiadura hutseko trenean
nora nora ziztuan
Tafallara ziztuan
abiadura hutseko trenean
Tafallan jenderik ez
zakur batzuk katu eske
zazpi Nafarroak
Katalunian dabiltza
uste berria ospatzen
Abiadura hutseko trenean
nora nora ziztuan
zora zora ziztuan
abiadura hutseko trenean
Nerbioiko Zirgariak
Joseba Tapia / Koldo Izagirre
Besoa sendo, eskua latz
sokak lepoan, hitza lehor
hamaika emakume garratz
hasi dira zirgan
ibaian gora
ibaian gora:
hondoa jotako gabarra
uraren gain
hamaika emakume garratz
Gixonik gura bozu
merketxu erosi
gureak salgai dagoz
txanponian zortzi
Lepoa sendo, ilea latz
zama astun bat eroaten
hamaika emakume garratz
lasterraren kontra
ibaian gora
ibaian gora:
zauriz betetako gabarra
harrien gain
hamaika emakume garratz
Gixonik gura bozu
merketxu erosi
gureak salgai dagoz
txanponian zortzi
Bihotza sendo, ezpaina latz
antaparak arrakalatzen
hamaika emakume garratz
justiziaren kontra
ibaian gora
ibaian gora:
gezurrik gabeko gabarra
ororen gain
hamaika emakume garratz
Gixonik gura bozu
merketxu erosi
gureak salgai dagoz
txanponian zortzi
Gudazkenez
Joseba Tapia / Koldo Izagirre
Tristura apainduz
bihotza irainduz
badator orbela
urre eta ilun
Makurtu nintzen
zapal zezaten baino lehen
malaska zedin baino lehen
jaso egin nuen
eta maite zaitut
esan nahi banu bezala
esan nizun hurritzarena da
Tristura apainduz
bihotza irainduz
bihotza irainduz
badator orbela
urre eta ilun
Makurtu nintzen
zapal zintzaten baino lehen
urrun zintezen baino lehen
jaso zintudan
eta maite zaitut
esan nahi banu bezala
esan nizun urre-ginga zara
Tristura apainduz
bihotza irainduz
bihotza irainduz
badator orbela
urre eta ilun
Makurtu nintzen
makur nintzazun baino lehen
zapal nintzazun baino lehen
makurtu nintzen
eta maite zaitut
esan nahi banu bezala
esan nizun udazken petrala!
Tristura apainduz
bihotza irainduz
bihotza irainduz
badator orbela
urre eta ilun
Gure esku dago
Joseba Tapia / Koldo Izagirre
Gure esku dago
esan didate lagunek
ezin alaiago
zer dago, zer dago?
Gure esku dago
esan didate irratiek
alai ezinago
zer dago, zer dago?
Egon edo ez egon
that is the question
Gure esku nago
esan ohi diet lagunei
buruan lau trago
zer nago, zer nago?
Gure esku nago
esan ohi dut irratietan
eskuan lau tango
zer nago, zer nago?
egon edo ez egon
that is the question!
Zure esku nago
esaten dizut laztana
ezin beroago
zer nago, zer nago?
Egonean egon
that is the question!
Kultur sukarra
Joseba Tapia / Koldo Izagirre
Kultura bai kultura kultura dut ontzen
eta ez edozein jaki ez edozein ardo
kultura bai kultura kultura lubaki
behar nituzke zazpi milioi kakalardo
behar nituzke zazpi milioi kakalardo.
Marranta bai marranta
marranta bai galanta
kakalardo eztia
ez duzu garestia
Kultura bai kultura kultura dut ontzen
eta ez edozein jaki ez edozein ardo
kultura bai kultura kultura lubaki
behar nituzke zazpi milioi kakalardo
behar nituzke zazpi milioi kakalardo.
Eztula bai eztula
eztula bai duzula
esne beroa eta
kakalardo dieta
Kultura bai kultura kultura dut ontzen
eta ez edozein jaki ez edozein ardo
kultura bai kultura kultura lubaki
behar nituzke zazpi milioi kakalardo
behar nituzke zazpi milioi kakalardo.
Sukarra bai sukarra
sukarra bai zatarra
zure kopetak badu
milioika celsius gradu
Xalo xalo
Joseba Tapia / Koldo Izagirre
Kalekoa naiz, kaka zaharra
ez dakit mozten
ez belar ona ez belar txarra!
ze uste dute?
aspaldi galdu nuen aparra!
Kalekoa naiz, kaka zaharra
ez dakit mozten
bidea itotzen duen laparra!
ze uste dute?
ezin kendu begiko makarra!
Segi segan
Kalekoa naiz, kaka zaharra
ez dakit mozten
akerrak oker duen adarra!
ze uste dute?
ni ez naiz batzuk bezain azkarra!
Kalekoa naiz, kaka zaharra
ez dakit mozten
adur txarreko egun baldarra
ze uste dute?
ez dakit eta ez naiz bakarra!
Segi segan
Kalekoa naiz, alajaina
badakit mozten
egia saltzen duen mingaina!
ze uste dute?
kalea beti izan da labaina!
Segi segan
Hemen dago
Joseba Tapia / Gordobil, 1949 apirilak 26
Hemen dago
purruskatua
hemen dago
Gernika lo
Hemen dago
isil-isilik
hemen dago
Gernika lo
Hemen dago
Gernika lo
baina gogoa
erne dago
Hemen dago
Gernika lo
baina zuzentza
zutik dago
Hemen ez da
Gernika lo
gau ta egun
hemen dago
Gernika so
Zikiñaga SA
Joseba Tapia / Koldo Izagirre
Uzker zuriak
zuriagorik non
tontorka
zeruan gora alaigarri
axuri guriak
Uzker zuriak
gure geroaz gor
mokorka
arnasa bete alaigarri
lasai isuriak
Zikin zuri zikina
buruko zirina
Lurrin gozoa
gozoagorik non
gotorka
zeruan gora alaigarri
maitasun soroa
Lurrin gozoa
gure geroaz gor
mormorka
arnasa bete alaigarri
zoraldi osoa
Zeken gozo zekena
buruko errena
Gezur apaina
apainagorik non
borborka
zeruan gora alaigarri
arte lan bikaina
Gezur apaina
gure geroaz gor
orroka
arnasa bete alaigarri
nolako iraina
Zakar apain zakarra
buruko kaparra
Bizibarea
Joseba Tapia / Koldo Izagirre
Bare laguna
bare bare laguna
bare bare bizi nahi dut
zu bezala
Bare laguna
bare bare laguna
esadazu nola heldu
bare
bizirik bizira
Esadazu nola zaren heldu
bare bizirik bizira
har nazazu bide bidelagun
faborez…
esadazu nola zaren heldu
bare bizirik bizira
har nazazu bide bidelagun
esadazu nola heldu
Bare laguna
bare bare laguna
bare bare bizi nahi dut
zu bezala, zu bezala
Bare laguna
bare bare laguna
esadazu nola heldu
bizirik bizira
Esadazu zergatik ez nauzun
bare bide bidelagun
faborez…
nola zara heldu heldu heldu
bare bizirik bizira
faborez…
ez duzu ikusten arrastaka noala
arrastaka belu belu belu…
Zozoa bezain zozoa
Joseba Tapia / Koldo Izagirre
Katua bezain bustia
beldarra bezain azkarra
legatza bezain berdea
antxeta bezain nafarra
Sagua bezain puztua
erlea bezain alferra
antxoa bezain lehorra
tortoila bezain ankerra
eta hala ere…
Biltzen zaituzte sarean
ibili gabe galdean
biltzen zaituzte sarean
zuk hala uste gabean
Lanperna bezain librea
satorra bezain zangarra
liztorra bezain handia
enara bezain zakarra
Platuxa bezain tentea
zorria bezain ederra
astoa bezain hiztuna
eperra bezain ezkerra
eta hala ere…
Biltzen zaituzte sarean
ibili gabe galdean
biltzen zaituzte sarean
zuk hala uste gabean
Urtxintxa bezain gaiztoa
kabuxa bezain xarmanta
inguma bezain jantzia
txepetxa bezain galanta
Eulia bezain gozoa
zakurra bezain etena
berdela bezain ergela
zozoa bezain zozoa
eta hala ere…
Biltzen zaituzte sarean
ibili gabe galdean
biltzen zaituzte sarean
zuk hala uste gabean
Jazpana perkusioak: Iker Uriarte
Baxu elektrikoa: Iñigo Telletxea, Xanti Etxeberria
Pianoa: Jexux Aranburu “Txus”
Koroak: Leire Berasaluze, Kristina Aranzabe, Olaia Intziarte
Tronpeta: Ion Celestino
Saxo altua: Mixel Ducau
Saxo tenorra: Ibon Irixoa
Tronboia: Amets Aznares
Elikoia: Ramontxo Vega
Orkestra: Et Incarnatus; Kontrabaxua: Lerman Nieves; Txeloa: Alejandro Martinez, Iratxe Paredes; Biola: Santos Moraleda, Maite Colas; Biolina; Nika Bitchiashvli, Amaia Gutierrez, Jurdana Otxoa, Tomas Ruti, Maria Garcia, Maddi Garikano, Leire Hipolito, Txabeli Sierra; Kontzertinoa: Maddi Arana; Zuzendaria Migel Zeberio; Teknikaria: Javeta Lopez
diskoa erosteko, hona idatzi: aguraizpuru@gmail.co
Transkripzioak: Josean San Miguel, Ibon Irixoa, Ramontxo Vega
Diseinu eta irudia: Hiru Damatxo
Soinu ingeniaria: Kaki Arkarazo
Masteriña: Jonan Ordorika
Koordinazioa: Agurtzane Aizpuru
Garate estudioan grabatua 2021eko urrian
HARTUA ZOR DA:
Disko honetan parte hartu duzuen musikari, teknikari, irudigile, kamarada eta zuzendaritza orokorra… Zuen talentu eta eskuzabaltasuna agerian. Milesker denoi.
